Bıyldan bastap asa qaýipti tapsyrmany oryndaǵan qutqarýshylarǵa 70% ústemeaqy tólenbek

ASTANA. QazAqparat – Densaýlyǵy men ómirine qaýip tónetin jumystyy atqaratyn qutqarýshylarǵa qosymsha aqy tólenbek. Bul týraly «Ashyq» NQA portalynda jarııalanǵan Tótenshe jaǵdaılar mınıstriniń tıisti qaýlsynda kórsetilgen, dep habarlaıdy QazAqparat tilshisi.

«Qutqarýshylarǵa jáne qutqarýshy fýnktsııalaryn oryndaıtyn basqa da qyzmetkerlerge densaýlyqqa, ómirge zııan keltirý qaýpimen baılanysty jumysy úshin laýazymdyq jalaqynyń 70% mólsherinde qosymsha aqy tólenedi. Kórsetilgen qosymsha aqyny tóleý tártibi men sharttaryn azamattyq qorǵaý salasyndaǵy ortalyq atqarýshy organ belgileıdi. Jobany qabyldaý respýblıkalyq jedel-qutqarý jasaǵynyń, apattar medıtsınasy ortalyǵynyń qutqarýshylaryna jáne qutqarýshy fýnktsııalaryn oryndaıtyn «Qazseldenqorǵaý» MM negizgi personalyna qosymsha aqy tóleýge múmkindik beredi», - delingen qaýlyda.

Qujatta muny iske asyrý úshin 2023-2025 jyldarǵa arnalǵan respýblıkalyq bıýdjetten jalpy somasy 7,4 mlrd teńge qarajat qajet ekeni kórsetilgen.

Atap aıtqanda 2023 jyly - 2 mlrd teńge, 2024 jyly – 2,4 mlrd teńge, 2025 jyly - 3 mlrd teńge.

Qujattyń túsindirmesinde kórsetilgendeı, bul qaýly bıylǵy jyldyń 1 qańtarynan bastap atqarylǵan jumysqa aqy tóleýde qoldanylady.