Bıyl jyl sońyna deıin 37 jańa jataqhana paıdalanýǵa beriledi - QR BǴM
«Mınıstrlik Elbasynyń úshinshi áleýmettik bastamasyn iske asyrý aıasynda stýdentter jataqhanalaryn salý men qaıta qurý qarqynyn jedeldetýdiń jańa tetikterin ázirledi. Atap aıtqanda,
jataqhanalar nysanaly qurylys jáne joǵary oqý oryndarynyń óz qarajaty esebinen, sondaı-aq memlekettik-jekeshelik áriptestik
qaǵıdaty boıynsha salynady. ıAǵnı, ınvestorlar óz qarajatyna jataqhana salady, al mınıstrlik olarǵa memlekettik tapsyrysty ornalastyryp, stýdenttiń árbir jatyn ornyn tóleıdi», — dep atap ótti QR BǴM Qarjy ortalyǵynyń prezıdenti Asqar Ibraımov.
Mundaı algorıtm stýdenttik jataqhanalar sanyn edáýir arttyrýǵa jáne stýdentterdiń ómir súrý jaǵdaılaryn jaqsartýǵa múmkindik berdi.
Qurylys jumystary Nur-Sultan qalasynda, Qyzylorda, Qaraǵandy, Shyǵys Qazaqstan, Jambyl jáne Mańǵystaý oblystarynda belsendi júrgizilip jatqanyn aıta ketken jón.
Nur-Sultan jáne Almaty qalalarynda jeke ınvestorlardy qosymsha yntalandyrý úshin memlekettik tapsyrys kólemin 47 AEK-ten 92 AEK-ke deıin ulǵaıtý múmkindigi qarastyrylyp jatyr. Bul qalalarda jataqhanalarǵa asa qajettilik baıqalady. Sondaı-aq qazirgi ýaqytta memlekettik tapsyrysty ornalastyrý merzimin 8 jyldan 5 jylǵa deıin qysqartý jóninde usynys ázirlendi.
Joǵary oqý oryndary múmkindikterine qaraı óz qarajaty esebinen jataqhana salady. Keıbir oqý oryndary turǵyn úı, jataqhanalar men qonaq úılerdi jalǵa alý arqyly stýdentterdiń turǵyn úıge degen qajettiligin tómendetip jatyr. Búgingi tańda 13 JOO 5 myń stýdenti úshin jatyn oryndardy jalǵa aldy. Kelesi jyly 60-qa jýyq stýdent úıi paıdalanýǵa beriledi dep josparlanyp otyr.