Bıyl «jyl dárigeri» atanǵan Oleg Órkenuly jaıly ne bilemiz

Sanaly ǵumyryn medıtsınaǵa arnaǵan sondaı azamattyń biri - Oleg Órkenuly Mustafın. Kúrdeli somatıkalyq patologııalar jáne saýyqtyrý bólimshesiniń dárigeri bolyp eńbek etetin ony bilmeıtin adam kemde-kem. Bilikti de tájirıbeli, joǵary sanatty dáriger 43 jyldan beri medıtsına salasynda jemisti eńbek etip keledi. Onyń 41 jylyn Pedıatrııa ortalyǵyna balalardy emdeýge arnaǵan. Aıta keteıik, bul bólimshede sozylmaly gepatıtke shaldyqqan, tselıakııa, mýkovıstsıdoz, laktazdyq jetispeýshiligi bar balalar tekserilip, emdeledi.

«Naýqastyń dertine daýa, syrqatyna shıpa tabylyp, aıyǵyp ketýine kýá bolýdyń ózi - bir baqyt», - deıdi Oleg Órkenuly.

Ol 1950 jyldyń 13 jeltoqsan kúni qazirgi Reseıdegi Prımorsk ólkesinde dúnıege kelgen. 1974 jyly Almaty Memlekettik medıtsına ınstıtýtyn «pedıatrııa» mamandyǵy boıynsha úzdik bitirgen dáriger sol jyldardan beri bar ómirin bala densaýlyǵyn nyǵaıtýǵa arnap, densaýlyq saqtaý júıesiniń damýyna, Qazaqstan Respýblıkasynda balalar gastroenterologııasy salasynyń qalyptasýyna eleýli úles qosyp keledi.

Alǵash qyzmet jolyn Almaty qalasyndaǵy №1 qalalyq klınıkalyq aýrýhanasynda pedıatr dáriger bolyp bastap, 1974-1976 jyldary aralyǵynda osy mekemede jumys istese, 1976 jyldan bastap Pedıatrııa jáne balalar hırýrgııasy ǵylymı ortalyǵynda búgingi kúnge deıin kúrdeli somatıkalyq patologııalar jáne saýyqtyrý bólimshesiniń dárigeri, meńgerýshisi bolyp qyzmet atqarýda. Bir mekemede uzaq jyldardan beri qyzmet jasap, adaldyǵyn tanytyp, óziniń júrip ótken jolymen, adamı qasıetterimen, qajyrly da jemisti eńbegimen, sony ǵylymı izdenisterimen keıingi urpaqqa úlgi-ónege bolyp kele jatyr.

Oleg Órkenuly 1987 jyldan bastap 1994 jyldar aralyǵynda óziniń atsalysýymen qurylǵan gastroenterologııa bólimshesin basqaryp, gastroenterologııalyq patologııasy bar balalardy dıagnostıkalaý jáne emdeýdiń jańa ádisterin ázirleýge zor úles qosty. Oleg Órkenulynyń bastamasymen bul bólimshe respýblıkada alǵash bolyp ishektiń sińirýiniń buzylysy bar balalardy zertteýdi jáne emdeýdi bastap, dıagnostıkalaýdy jolǵa qoıyp, taǵamdanýdyń arnaıy dıetasyn ázirledi. Búgingi tańda bólimshe respýblıkadaǵy malabsorbtsııa sındromy bar balalardy emdeý jónindegi ortalyqqa aınaldy.

Oleg Mustafın «Balalardaǵy tselıakııa» monografııasynyń jáne taǵy kóptegen ǵylymı maqalalardyń avtory, «Balalar jasyndaǵy oıyq jara aýrýlary», «Balalardaǵy malabsorbtsııa sındromy» degen taqyryptarda bólimshe jumysynyń nátıjeleri boıynsha ádistemelik usynymdardy shyǵarǵan dáriger-ǵalym.

«Qashanda jaqsylyq jasaýǵa jany jaqyn turatyn Oleg Órkenuly túrli qaıyrymdylyq sharalarǵa qatysyp, balalarǵa tegin konsýltatsııalyq keńes berip, kómek qolyn sozyp keledi. Ár naýqas balalardy asa meıirimdilikpen, uqyptylyqpen, muqııat qarap, birden baýrap alý qasıetine ıe», - deıdi áriptesteri.

Balalar densaýlyǵyn nyǵaıtý jolynda eleýli eńbek sińirip, densaýlyq saqtaý isin damytýǵa aıyryqsha úles qosyp kele jatqan Oleg Mustafın «Qazaqstan Respýblıkasy densaýlyq saqtaý isiniń úzdigi» tósbelgisimen (2006jyly), Qurmet gramotalarymen, QR Densaýlyq saqtaý mınıstrliginiń «Eńbek ardageri» tósbelgisimen marapattalǵan. Al, bıyl ol jyldyń úzdik dárigeri atandy.

«43 jylda ómirdiń talaı soqpaǵynan óttim. Meni qanattandyratyn da, jigerlendiretin de meniń mamandyǵym. Mamandyqtyń eń keremeti - dáriger dep bilemin. Kóńiline kirbiń túsip, aýyrsynyp kelgen kishkentaı patsıentter men ata-analarynan alǵys, bata alýdan asqan baqyt bar ma?! Ár saýyǵyp ketken balalar janymyzǵa qýanysh syılaıdy. Іzimdi basyp kele jatqan shákirtterim kóp. Medıtsına - bir ornynda turmaıtyn sala. Zaman talabyna saı jyldan-jylǵa jańaryp, medıtsına salasynda jańa ınnovatsııalyq emdeý tásilderi engizilýde. Barsha jas dárigerlerge aıtarym, árqashan izdeniste bolyńyzdar. Bilim alýdyń erte-keshi joq», - deıdi Oleg Mustafın.