Bıyl «Jurtqa jaqyn polıtsııa» qaǵıdaty júzege asyrylady - ІІM
«2021 jyl quqyq buzýdyń aldyn alý jáne jurtqa jaqyn polıtsııa qaǵıdatyn iske asyrý jyly bolady. Bul týraly ІІM basshysy Erlan Turǵymbaev vedomstvonyń alqa otyrysynda málimdedi. Memleket basshysy ótken jylǵy 1 qyrkúıektegi Qazaqstan halqyna Joldaýynda Іshki ister mınıstrligine jergilikti polıtsııa qyzmetin reformalaýdy tapsyrdy. Jańa jyldyń basynan bastap jergilikti polıtsııa qyzmetin reformalaý jónindegi 2021-2022 jyldarǵa arnalǵan jospar kúshine endi», - dedi Nurdildá Oraz vedomstvonyń baspasóz qyzmeti alańynda ótken brıfıng barysynda.
Onyń aıtýynsha, qazaqstandyq polıtsııany jumystyń servıstik modeline kóshirý úshin «qaýipsizdikti qamtamasyz etýdegi servıstik tásilder» ilki jobasy iske qosylǵan.
Ol quqyq buzý sebepteri men jaǵdaılaryn taldaýdy, olardy joıý boıynsha usynys ázirleýdi, sondaı-aq halyqty quqyq buzýdyń aldyn alý protsesine tartýdy kózdeıdi.
«Mınıstr atap ótkendeı, servıstik modelge kóshý jáne «jurtqa jaqyn polıtsııa« qaǵıdatyn iske asyrý - vedomstvonyń mańyzdy basymdyqtary bolyp sanalady. Bul jumysta negizgi ról quqyq buzýshylyqtardyń aldyn alý salasyndaǵy negizgi býyn retinde ýchaskelik polıtsııa ınspektorlary qyzmetine beriledi. Іshki ister mınıstrliginiń habarlaýynsha, ýchaskelik polıtsııa qyzmetkeri azamattar úshin tanymal, qol jetimdi, bedeldi bolýy kerek. Olardyń quqyqtaryn belsendi qorǵaýy tıis», - dedi resmı ókil.