Bıyl júrgizýshi kýáliginen aıyrylsa da mas kúıde rýlge otyrǵan 33 adam ustaldy - ShQO
ÓSKEMEN. QazAqparat – Shyǵys Qazaqstan oblysynda jyl basynan beri júrgizýshi kýáliginen aıyrylsa da mas kúıde kólik tizgindegen 33 adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 2021 jyldyń 5 aıynda tártip saqshylary kólik quralyn basqarý quqyǵynan aıyrylsa da ishimdik iship rýlge otyrǵan 33 adamdy ustaǵan. Onyń ishinde 24 fakti boıynsha sot isi qaralyp, úkim shyǵaryldy.
«Máselen, Rıdder qalasynda polıtsııa qyzmetkerleri 7 jylǵa avtokólik aıdaý quqyǵynan aıyrylǵanyna qaramastan mas kúıde kólik júrgizgen 37 jastaǵy turǵyndy anyqtady. Atalǵan fakti boıynsha QR QK-niń 346-baby 1-bóligine (kólik quralyn basqarý quqyǵynan aıyrylǵan jáne mas kúıdegi tulǵanyń kólik quralyn basqarýy) sáıkes sotqa deıingi tergeý amaldary bastaldy. Qazirgi ýaqytta júrgizýshi ýaqytsha ustaý ızolıatoryna qamaýǵa alynǵan. Birqatar sot saraptamalary taǵaıyndaldy. Sonyń nátıjeleri boıynsha protsessýaldyq sheshim qabyldanady», - dep habarlady vedomstvo ókilderi.
Osy rette, departament mamandary jol-kólik oqıǵalarynyń aldyn alý maqsatynda óńir jurtshylyǵyn jol júrisi qaǵıdalaryn qatań saqtaýǵa jáne belgilengen jyldamdyq rejımin asyrmaýǵa shaqyrady.
