Bıyl jumyspen qamtýǵa yqpal etetin baǵdarlamalarǵa 1 trln. 100 mlrd. teńge bólinedi - Ekonomıka mınıstri
Búgin Májilistegi Úkimet saǵatynda Ekonomıka jáne bıýdjettik josparlaý mınıstri Erbolat Dosaev osylaı aıtty.
«Jol kartasynyń» negizgi baǵyttary - óz betinshe jumyspen aınalysatyn halyqty jumysqa tartý, zańsyz syrtqy kóshi-qonǵa qarsy is-áreket sekildi basym baǵyttarǵa qarjylyq qoldaý. Atap aıtqanda, áleýmettik nysandardy qarjylandyrý men halyqty jumyspen qamtýǵa arnalǵan memlekettik bıýdjet shyǵystary ońtaılandyrylady. 2013-2015 jyldarǵa arnalǵan respýblıkalyq bıýdjettegi jumyspen qamtýǵa yqpal etetin barlyq baǵdarlamalarǵa 2013 jyly 1 trln. 100 mlrd. teńge qarastyrylǵan», - deıdi Erbolat Dosaev.
Mınıstrdiń aıtýynsha, atalǵan baǵyttarǵa 2014 jyly - 1 trln. 200 mlrd. teńge, 2015 jyly 900 mlrd. teńge bólý kózdelip otyr. «Bul rette jumyspen qamtýdy qoldaý jáne eńbek naryǵyndaǵy úılespeýshilikterdi joıýdyń negizgi quraly elde iske asyrylyp jatqan «Jumyspen qamtý-2020» baǵdarlamasy bolýy tıis dep esepteımiz. Osy baǵdarlama sheńberinde 3 jyldyq kezeńde 3 myńnan astam azamat jańa jumyspen qamtylatyn bolady», - deıdi E. Dosaev.