Bıyl «Jumyspen qamtý jol kartasy - 2020» baǵdarlamasyn iske asyrýǵa 110,6 mlrd. teńge bólinedi
Sonymen qatar, Qazaqstannyń 124 myń turǵyny qamtylatyn bolady.
Bul týraly búgin Úkimettiń jalpy otyrysynda Eńbek jáne halyqty áleýmettik qorǵaý mınıstriniń mindetin atqarýshy Tamara Dúısenova aıtti.
«Bul, óz kezeginde, kiristerdiń turaqty ósýine, aýyl turǵyndary jaǵdaıynyń jaqsarýyna, ózin-ózi eńbekpen qamtıtyndar sanynyń azaıýyna jáne jumys berýshilerdiń talaptaryna saı bilikti mamandar daıyndap shyǵarýǵa yqpal etedi. Baǵdarlamanyń jobasy QR Prezıdenti Ákimshiliginde, Parlament Májilisiniń komıtetterinde, «Nur Otan», «Aq jol» partııalarynda, «Atameken» Odaǵy» UEP-da talqylanyp, qoldaý tapty. Sonyqtan sizderdiń de qoldaýlaryńyzdy suraımyn», - dedi T. Dúısenova.
Mınıstrler kabınetiniń músheleri bul qujatty biraýyzdan maquldady. Óz kezeginde vıtse-premer Erbol Orynbaev «Jol kartasynyń» jan-jaqty oılastyrylǵanyn atap ótip, ony iske asyrýǵa jedel kirisý qajet ekendigine basa toqtaldy.