Bıyl JRVI-diń 2014 jylǵa qaraǵanda tómendegeni baıqaldy
ASTANA. QazAqparat - Qarashadaǵy 43-apta ishindegi jaǵdaı boıynsha álemniń bes elinde, Ázerbaıjan, Albanııa, Bolgarııa, Qurama Koroldik (Soltústik Irlandııa) jáne Ózbekstanda JRVI-men syrqattanýshylyqtyń ósý kórsetkishi artqan. Bul týraly Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti habarlap otyr.
Sondaı-aq, málim bolǵandaı, 43-aptada DDU Eýropalyq óńirindegi otyz alty elde tumaýdyń tómen belsendiligi saqtalýda, sholǵynshy epıdemıologııalyq qadaǵalaý nátıjeleri boıynsha tumaý dıagnozy 6 elde zerthanalyq rastalǵan deıdi. Olar Anglııa, Irlandııa, Ispanııa, Fınlıandııa, Frantsııa, Shvetsııa elderi.
Komıtettiń málimetinshe respýblıkadaǵy epıdemıologııalyq maýsymnyń basynan beri shamamen 68 myń JRVI jaǵdaıy tirkelgen, aýyrǵan adamdardyń negizgi úlesin (72,4%) 14 jasqa deıingi balalar quraıdy. Tumaýmen syrqattaný jaǵdaıy tirkelgen joq. 2013 jyldyń osyndaı kezeńimen salystyrǵanda JRVI-diń 1768 jaǵdaıǵa tómendegeni baıqalady deıdi olar.
Tumaýǵa qarsy vaktsınatsııalaýdan basqa, tumaýdyń jáne basqa da respıratorlyq ınfektsııalardyń aldyn alýdyń birneshe kúrdeli emes, qarapaıym tásilderi bar. Bul - adamdar kóp jınalatyn oryndarǵa barýdy shekteý, ásirese jabyq úı-jaılarǵa (kınoteatrlar, balalar erteńgilikteri), úı-jaılardy jıi jeldetý, ımmýndy jaqsartý preparattaryn (anaferon, ınterferon, vıferon, ınterferon ındýktory) paıdalaný, gomeopatııalyq preparattar, vırýsqa qarsy jaqpamaılar, polıdárýmenderdi qoldaný, ásirese lımondarda, ıtmuryndarda, anarda kóp mólsherde bolatyn S dárýmenin qoldaný.
JRVI men tumaý - bul vırýstardan týyndaıtyn, tynys alý joldarynyń eń kóp taralǵan aýrýlary. Olar aýa-tamshylary arqyly naýqas adamnan juqtyrylady. Sýyq tıgen kezdegi negizgi belgiler: murynnyń bitelýi, tamaqtyń qyshýy, daýystyń qyryldaýy, jótel, dene qyzýynyń kóterilýi, álsizdik, bulshyq etterdiń aýyrýy jáne t.b. JRVI men tumaý balalardy qustyrýy, ishin ótkizýi (tyshqaqtaý), tynys alýyn qıyndatýy múmkin.
Sýyq tıgen kezde kórsetiletin bastapqy kómek JRVI men tumaýdyń bastapqy belgileri biline bastaǵan kezde medıtsınalyq kómekke júginý kerek - úıge dáriger shaqyrý kerek. Úıde qalyp, tósekte jatý kerek. Sýsyndy kóp ishý kerek: lımonmen, balmen, búldirgenmen sháı, S dárýmeni bar fıtosháı,jyly sút,mors, kompot. JRVI men tumaýdyń alǵashqy kúnderitıimdi aldyn alý quraldary vırýsqa qarsy kúresý dárileri bolyp tabylady (arbıdol, ıngavırın, anaferon, lavamaks, ınterferon, oksolınmaıy,murynǵa tamyzatyn tuzdy eritindiler (tamshy dáriler, spreı).
