Bıyl jol-kólik oqıǵalary 57 paıyzǵa kóbeıgen - QR ІІM
ASTANA. 20 qarasha. QazAQparat - Bıyl jol-kólik oqıǵalarynyń (JKO) sany 57% (17542) artty, onyń ishinde qaza bolǵandar 4% (2489), jaraqat alǵandar 67% (22723 deıin). Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Іshki ister mınıstriniń birinshi orynbasary Marat Demeýov aıtty.
Onyń aıtýynsha, JKO negizgi sebepteri retinde mynany atap ótýge bolady: jyldamdyqty asyrý (3 318 JKO nemese 24%), mas kúıinde kólik aıdaý (430 JKO nemese 3%), qarsy baǵyttaǵy jolaqqa shyǵyp ketý (1 200 JKO nemese 9%) - bul jáne basqa da jekelegen buzýshylyqtar joldardaǵy JKO-nyń negizgi sebepteri bolyp tabylady.
«Júrgizýshilerdiń sebepterinen - 80%-ǵa jýyq JKO oryn alǵan. Jalpy bıyl 2,5 mln.-nan astam jol júrý erejelerin (JJE) buzý faktisi toqtatylyp, 40 myń mas kúıindegi júrgizýshiler anyqtaldy.
