Bıyl «Jol kartasy» boıynsha turǵyn úı-kommýnaldyq sharýashylyq salasynda 43 myńnan astam jumys oryndary ashylady - S. Nokın
ASTANA. Sáýirdiń 22-ci. QazAqparat /Qanat Mámetqazyuly/ - Aǵymdaǵy jyly «Jol kartasy» baǵdarlamasyn júzege asyrý barysynda turǵyn úı-kommýnaldyq sharýashylyq salasynda 43 myńnan astam jumys oryndary ashylady. Bul týraly búgin QR Parlamenti Májilisinde ótken dóńgelek ústel barysynda Qurylys isteri jáne turǵyn úı- kommýnaldyq sharýashylyǵy agenttiginiń tóraǵasy Serik Nokın málim etti,
dep habarlaıdy QazAqparat.
«Memleket basshysynyń júktegen tapsyrmasyn oryndaý maqsatynda 2009 jyly qabyldanǵan «Jol kartasynyń» aıasynda turǵyn úı- kommýnaldyq sharýashylyǵyn jańǵyrtý jáne damytý jóninde birqatar jumystar atqaryldy. Osy maqsattarǵa 61 mlrd. teńgeden astam bıýdjettik qarajat bólinip, 862 joba júzege asty jáne 81 myńnan astam jumys orny quryldy», dedi Agenttik tóraǵasy. Onyń aıtýynsha, byltyr turǵyn úı -kommýnaldyq sharýashylyq salasynda 284 shaqyrym jylý trassasy, 737 shaqyrym elektr jelileri, 284 shaqyrym gazben jabdyqtaý jelisi, 1 myń 29 shaqyrym sýmen jabdyqtaý jelisi salynǵan jáne qaıta jóndelgen.
«Turǵyn úı-kommýnaldyq sharýashylyǵyn damytý baǵyty boıynsha «Jol kartasyn» iske asyrý aǵymdaǵy jyly da jalǵasatyn bolady. Bul rette ákimdikter 50 mlrd. teńgeden astam qarajatty ıgerip, 644 jobany iske asyrýdy josparlap otyr. Mundaı jobalarda bıylǵy jyly shamamen alǵanda 43 myńnan astam jumys oryndaryn ashý kózdeledi», dedi S. Nokın.
