Bıyl jol apatynan qaza tapqandardyń árbir úshinshisi - jaıaý júrginshi
ASTANA. QazAqparat - QR Іshki ister mınıstrliginiń resmı derekterine sáıkes, aǵymdaǵy jyldyń 9 aıynda jol-kólik apatynan 1700-den astam adam qaza tapty. Bul týraly búgin QR Parlamenti Májilisinde ótken dóńgelek ústel barysynda QR ІІM Ákimshilik polıtsııasy komıteti tóraǵasynyń orynbasary Álibek Keńesbaev málim etti.
«2015 jyldyń 9 aıynda shamamen 14 myń jol-kólik apaty tirkelip, onyń saldarynan 1700-den astam adam qaza tapsa, 17 myńnan astamy jaraqat aldy», - dedi ol.
Onyń aıtýynsha, jol-kólik apatynan qaza tapqandardyń árbir úshinshisi - jaıaý júrgishi. Al jol apattarynyń jartysynan astamy jaıaý júrginshige arnalǵan jolaq joq jerlerde oryn alǵan. ıAǵnı, adamdar joldyń belgilenbegen bóliginen jıi ótip, sonyń saldarynan qaıǵyly oqıǵalar oryn alýda. Degenmen, elimizdegi kólik sanynyń arta túsýine qaramastan sońǵy 2 jylda jol-kólik apattary birshama tómendep otyr.
«Máselen, eger 2013 jyldyń qorytyndysynda jol-kólik apattarynyń sany 65 paıyzǵa artyp, qaza tapqandar 0,5, al jaraqattanǵandar 71 paıyzǵa kóbeıgen bolatyn. Ótken jyly bolsa jol-kólik apaty 13 paıyzǵa, apat saldarynan qaza tapqanar 15, jaraqattanǵandar 13 paıyzǵa tómendedi. Dál osyndaı oń úrdis aǵymdaǵy jyly da baıqalýda», - dedi Á.Keńesbaev.
