Bıyl JKO-dan kóz jumǵan balalar - negizinen 5-12 jastaǵylar
ASTANA. QazAqparat - Adamdardyń ólimine nemese jaraqattanýyna ákep soqqan JKO týraly derekterge sáıkes, elimizdiń joldarynda 10 myńnan astam jol-kólik oqıǵasy bolǵan, onda 15 myńnan astam adam jaraqattanyp, 1341-ge jýyǵy qaza tapqan. Bul týraly QR Bas prokýratýrasy Quqyqtyq statıstıka jáne arnaıy esepke alý jónindegi komıtetinen habarlandy.
«Zardap shekkender qatarynda balalar bar, osy rette 2559-y jaraqat alyp, 137-si qaza tapqan. Negizinen olar 5 pen 12 jas aralyǵyndaǵy balalar. Balalar jaraqattanýynyń birden-bir sebepkeri - ol balalarǵa arnalaǵan 12 jasqa deıingi jolaýshyǵa qarastyrylǵan ustap turý jabdyqtarynyń joqtyǵy. Aǵymdaǵy jyly osyndaı sebeppen 490 bala zardap shekken. Kelesi faktory - qaýipsizdik beldigi. Jol qozǵalysy erejelerin tolyqtaı saqtaǵanda kámeletke tolmaǵandardyń jaraqattanýyn, al basqa jaǵdaılarda ólimin de boldyrmaý múmkin bolar edi. Máselen, JKO-nyń 326 jaǵdaıynda kámeletke tolmaǵandar qaýipsizdik beldigin taqqandyqtan, aýyr zardaptardy boldyrmaýǵa múmkindik týyp, densaýlyǵyna jeńil jáne ortasha jaǵdaıda zııan keldi»,-delingen komıtet málimetnide.
Kámeletke tolmaǵandardyń dene jaraqatyna jáne ólimine ákep soqqan eń kóp JKO jaǵdaı- (782 JKO) Almaty qalasynda oryn alǵan.
Al apattylyǵy az óńir retinde Soltústik Qazaqstan oblysy tirkelip otyr, onda 23 jol-kólik oqıǵasy boldy.
Aıta keteıik, «Memlekettik quqyqtyq statıstıka jáne arnaıy esepke alý týraly» Qazaqstan Respýblıkasynyń Zańyna sáıkes, Quqyqtyq statıstıka jáne arnaıy esepke alý jónindegi komıtet adamdardyń ólimine nemese jaraqattanýyna ákep soqqan jol-kólik oqıǵalaryn ǵana esepke alady.
