Bıyl JІÓ ósimi 4 paıyz deńgeıinde boljanady - vıtse-mınıstr
«Halyqaralyq qarjy uıymdarynyń baǵalaýy boıynsha 2023 jyly álemdik ekonomıkanyń ósýi 1,7-2,9 paıyz aralyǵynda boljanady. 2023 jylǵa arnalǵan Brent markaly munaı baǵasynyń konsensýs boljamy 1 barreline 87,3 AQSh dollaryn quraıdy. Jyl basynan beri ortasha baǵa 1 barreline 84 dollar deńgeıinde qalyptasty. Jedel derekter boıynsha 2022 jylǵy JІÓ ósimi 3,2 paıyzdy qurady», - dedi vıtse-mınıstr 2023-2025 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister engizý týraly» zań jobasyn tanystyra keledi.
Onyń atap ótýinshe, 2023 jyly salalyq mınıstrlikterdiń baǵalaýy boıynsha ekonomıka sektorlarynda buryn maquldanǵan mánderde oń serpin kútiledi.
«Bul rette 2022 jyly JІÓ boıynsha jedel derekterge, 2023 jylǵa arnalǵan álemdik ekonomıkanyń ósýine jáne eksporttyq taýarlardyń baǵalary boıynsha jańartylǵan boljamdarǵa súıene otyryp, eldiń makroekonomıkalyq kórsetkishteri buryn maquldanǵan deńgeıde saqtaldy. ıAǵnı, JІÓ-niń naqty ósimi 4 paıyz deńgeıinde, munaı baǵasy barreline 85 dollar, munaı óndirý kólemi 92,6 mln tonna bolyp ózgerissiz qaldyryldy. Sondaı-aq ónerkásip - 4,6, aýyl sharýashylyǵy - 3, qurylys - 3,8, saýda - 6,2, kólik salalarynyń 3,3 paıyz ósý boljamdary saqtaldy. Eksporttyń kólemi 80,9 mlrd dollar, ımporttyń deńgeıi 45,7 mlrd dollar deńgeıinde qaldyryldy», - dedi Azamat Ámrın.
