Bıyl JІÓ-niń nomınaldy ósimi 120 paıyzdy quraıdy - E.Dosaev
ASTANA. QazAqparat - Aǵymdaǵy jyly jalpy ishki ónimniń nomınaldy ósimi 120 paıyzdy quraıdy. Bul týraly QR Úkimetiniń selektorlyq rejimdegi otyrysynda QR Ekonomıka jáne bıýdjettik josparlaý mınıstri Erbolat Dosaev málim etti.
Onyń atap ótýinshe, Ekonomıka jáne bıýdjettik josparlaý mınıstrligi aǵymdaǵy teńge baǵamy ósýiniń eldiń negizgi makroekonomıkalyq kórsetkishterine, JІÓ-ge, bıýdjet kiristeri men shyǵystaryna, ınflıatsııaǵa áser etý yqpalyna baǵalaý júrgizgen.
«Ekonomıka jáne bıýdjettik josparlaý mınıstrliginiń baǵalaýy boıynsha devalvatsııanyń ózgerýin eskere otyryp, JІÓ-niń nomınaldy kólemi qosymsha 6,5 paıyzdyq tarmaqqa ulǵaıady jáne JІÓ-niń nomınaldy ósýi 2014 jyly 120 paıyzdy quraıdy», - dedi mınıstr.
E.Dosaevtyń atap ótýinshe, jalpy ishki ónimniń nomınaldy kólemi 2014 jyly buryn boljamdalǵan 38,6 trln. teńgemen salystyrǵanda 41,1 trln. teńgeni quraıdy.
