Bıyl jınalǵan astyqtyń rekordty kólemi 15 mln. tonna astyqty eksporttaýǵa múmkindik beredi - vıtse-mınıstr
TANA. 26 qazan. QazAqparat /Gúlmıra Alıakparova/ - Bıyl jınalǵan astyqtyń rekordty kólemi 15 mln. tonna astyqty eksportqa shyǵarýǵa múmkindik beredi.
Bul týraly búgin Astanada ótken «Agrarlyq ınnovatsııalar: qazaqstandyq baǵdar» atty І Halyqaralyq konferentsııada QR Aýyl sharýashylyǵy vıtse-mınıstri Marat Tólebaev málim etti.
«Búginde biz astyq eksporttaýshy jetekshi 10 eldiń qataryna enip otyrmyz. Al un eksporty boıynsha bes jyl qatarynan álem boıynsha kóshbasshy bolyp kelemiz. Bıylǵy jyl Qazaqstan úshin - eleýli, sebebi, táýelsizdik jyldarynda bolmaǵan 29 mln. tonnadan astam dándi daqyldardy jınadyq. Bul ústimizdegi jyly 15 mln. tonna astyqty eksporttyq áleýet retinde qarastyrýǵa múmkindik beredi», - dedi ol.
Vıtse-mınıstrdiń aıtýynsha, 29,1 mln. tonna, bul - búgingi kúnge deıin jınalǵan astyqtyń kólemi, onyń 24,3 mıllıonyn bıdaı qurap otyr.
