Bıyl Jezqazǵan-Qyzylorda avtomagıstralin salýǵa 3 mlrd. teńge bólinbek
ASTANA. QazAqparat - Jezqazǵan-Qyzylorda tasjolyn salýǵa 3 mlrd. teńge bólinedi dep josparlandy. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Investıtsııalar jáne damý mınıstrligi Avtomobıl joldary komıtetiniń tóraǵasy Mereke Pishembaev málim etti.
Onyń aıtýynsha, 2015 jyly strategııalyq mańyzy bar «Qaraǵandy - Jezqazǵan - Qyzylorda» avtomagıstralin salý boıynsha jobany júzege asyrý kózdelýde.
«Qyzylorda - Jezqazǵan - Qaraǵandy - Pavlodar baǵyty boıynsha 4 joba bar. Eki joba - Qyzylorda oblysy boıynsha, 2 joba - Qaraǵandy oblysy boıynsha. Jalpy uzyndyǵy 150 shaqyrym. Bıyl ol jobaǵa 3 mlrd. teńge josparlap otyrmyz. Qyrkúıek aıynda konkýrsty jarııalap, qurylysqa daıyndyq jumystaryn bastaımyz», - dedi ol.
Aıta keteıik, «Qyzylorda - Jezqazǵan» avtojolynyń quny shamamen 10,1 mlrd. teńgege baǵalanyp otyr. Qazir jol-qurylys kompanııalaryn qurý-áleýetti merdigerlerdiń tenderge qatysýy úshin jumystar júrgizilýde.
