Bıyl Jetisý oblysynda 11 sport nysany qaıta iske qosylady
Oblystyq qurylys basqarmasynyń málimetine súıensek, osy jyly Alakól aýdanynyń Lepsi, Dostyq aýyldarynda, Tekeli qalasynda dene shynyqtyrý-saýyqtyrý keshenderi, Saryózek aýyly men Sarqan qalasynda stadıon, Alakól aýdanynyń Beskól, Panfılov aýdanynyń Úlken Shyǵan, Penjim aýyldarynda sport keshenderi, Shanhanaı, Basshı aýylyndarynda kúres zaldary, Taldyqorǵan qalasynda Ortalyq stadıon qaıta jańartýdan ótkizilip, halyqtyń ıgiligine berilýi tıis. Osy rette Beskól aýylyndaǵy sport kesheni men Basshy aýylyndaǵy kúres zaly qoldanysqa berilgen.
«Al jýyrda Sarqan aýdany Qoılyq aýylyndaǵy stadıon da resmı túrde qaıta ashyldy. Jańa kelbetke ıe bolǵan ortalyq stadıonda qazir jasandy gazony bar fýtbol alańy, júgirýge arnalǵan rezeńke jolaq tóselgen. Sport alańynyń kólemi – 5 800 sharshym metr. Ony qaıta jańǵyrtýǵa jergilikti bıýdjetten 47 mln teńge bólingen», - delingen Jetisý oblysy ákiminiń baspasóz qyzmetiniń habarlamasynda.
Jalpy Jetisý oblysynda dene shynyqtyrý jáne sportpen aınalysýǵa laıyqtalǵan 1 715 nysan bar. Sol sııaqty óńirde 262 568 adam sportpen shuǵyldanady. Bul – oblys halqynyń 37,6 paıyzy.
