Bıyl jergilikti mańyzy bar joldardy jóndeýge 353 mlrd teńge bólindi

ASTANA. QazAqparat – Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasynyń orynbasary Amangeldi Bekov óńirlerdegi joldardy jóndeýge 300 mlrd teńgeden astam qarajat bólingenin aıtty, dep habarlaıdy QazAqparat tilshisi.

«Óńirlerdiń ortalyqpen kólik arqyly ishki baılanysyn qamtamasyz etý maqsatynda jergilikti avtojoldar jelisin damytý jalǵasyp keledi. Aıta keteıik, oblystyq jáne aýdandyq mańyzy bar avtojoldar, sondaı-aq, qala ishindegi kósheler jelisin damytý, jóndeý jáne kútip-ustaý jergilikti atqarýshy organdardyń quzyretinde. Qazirgi kezde 70 myń shaqyrym jergilikti jeli joldarynyń 85 paıyzy normatıvtik jaǵdaıda, bul kórsetkish 59,5 myń shaqyrymdy qurap otyr», - dedi A. Bekov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, bıyl jergilikti mańyzy bar joldardaǵy qurylys, rekonstrýktsııa jáne jóndeýge 353 mlrd teńge bólindi. Bul rette respýblıkalyq bıýdjet esebinen - 154,5 mlrd teńge, jalpy sıpattaǵy transfertter - 147,6 mlrd teńge, jergilikti bıýdjetten - 51 mlrd teńge.

«Bólingen qarajat esebinen 4 myń shaqyrym joldy jóndeý josparlanyp otyr. Bıyldyń qorytyndysy boıynsha jergilikti joldardyń normatıvtik jaǵdaıdaǵy úlesi respýblıka boıynsha ortasha eseppen 87 paıyzǵa deıin jetkizilmek», - dedi komıtet ókili.

Budan buryn habarlanǵandaı, 2023 jyldyń qorytyndysy boıynsha normatıvtik jaǵdaıdaǵy joldardyń úlesi respýblıkalyq jeli boıynsha 92 paıyzǵa jáne jergilikti jeli boıynsha 87 paıyzǵa deıin jetkizilmek.

Jyl aıaǵyna deıin «Ortalyq – Ońtústik» dálizi boıynsha jol ýchaskeleri ashylady.

Jol boıyndaǵy qyzmet kórsetý nysandaryn salýǵa jer berý rásimi jeńildetiledi.