Bıyl jer qoınaýyn paıdalanýshylar kirisi 52 paıyzǵa tómendeıdi
ASTANA. QazAqparat - Aǵymdaǵy jyly jer qoınaýyn paıdalanýshylar kirisi 52 paıyzǵa tómendeıdi. Bul týraly búgin QR Úkimetiniń selektorlyq rejimdegi otyrysy barysynda elimizdiń Energetıka mınıstri Vladımır Shkolnık málim etti.
«Búgingi kúni múldem jabylý táýekeli bar kompanııalar joq. Munaı óńdeýmen aınalysatyn qyzmetkerlerdiń sany eger 2014 jyldyń tórtinshi toqsanymen salystyrar bolsaq, 2015 jyldyń úshinshi toqsany esebinde 1141 adamǵa azaıǵanyn atap ótken oryndy», - dedi mınıstr.
Onyń atap ótýinshe, elimizde 1 myń adam 1 mln. tonna munaı óndirýmen aınalysyp otyr. Al qyzmet kórsetý sektorynda 3 myń adam jumys isteıdi.
«2015 jyly 2014 jylǵa qaraǵanda jer qoınaýyn paıdalanýshylardyń jıyntyq kirisi munaı baǵasynyń quldyraýyna baılanysty 52 paıyzǵa kemıdi»,- dedi V.Shkolnık.
