Bıyl jem-shóp daqyldarynyń alqaby 448 myń gektarǵa uǵaıtyldy

NUR-SULTAN. QazAqparat – Bıyl jem-shóp daqyldarynyń alqaby 448 myń gektarǵa uǵaıtyldy. Bul týraly búgin Úkimet otyrysynda Premer-Mınıstr Álıhan Smaıylovtyń saýalyna jaýap bergen QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Mal azyǵynyń tapshylyǵyn boldyrmaý úshin mınıstrlik jem-shóp óndirý boıynsha jol kartasyn qabyldady. Bıyl qandaı is-sharalar josparlap otyrsyzdar?» - dep surady Úkimet basshysy mınıstrden.

Saýalǵa jaýap bergen Erbol Qarashókeev atalǵan jol kartasyn iske asyrý bastalyp ketkenin aıtty.

«Jol kartasynda 15 is-shara qarastyrylǵan. Onyń eń negizgileri - qoldanystaǵy aýyspaly egisterdiń ǵylymı negizdelgen normalaryna sáıkestigi turǵysynan mal sharýashylyǵy baǵytyndaǵy sharýashylyqtardyń egis alqaptarynyń qurylymyna taldaý júrgizý. Ol taldaý qazir óńirlerde júrgizilip jatyr. Árbir sharýashylyq pen aýyl sharýashylyǵy daqyldarynyń egis alańdaryn ártaraptandyrý jospary jasalyp jatyr», - dedi ol.

Onyń dereginshe, bıyl jem-shóp daqyldarynyń alqaby 12,5 paıyzǵa ulǵaıtylyp otyr.

«ıAǵnı, byltyr 3,2 mln gektar bolsa, bıyl 3,6 mln gektar bolady dep kútiledi. Bıyl alqap kólemi 448 myń gektarǵa uǵaıtyldy. Bul mal azyǵymen qamtý kólemin arttyrýǵa óz áserin tıgizetin bolady» - Erbol Qarashókeev.