Bıyl Jedel medıtsınalyq járdem ortalyǵy jilik maıyn transplantatsııalaýdyń 50 otasyn jasamaq
ASTANA 9 naýryz. QazAqparat - Aǵymdaǵy jyly Jedel medıtsınalyq járdem respýblıkalyq ǵylymı ortalyǵynda jilik maıyn transplantatsııalaýdyń 50 operatsııasyn jasaý jáne 200 onkologııalyq naýqasty emdeý josparlanýda,
dep habarlady emhananyń medıtsınalyq dırektory Irına Pıvovarova pm.kz saıtyna.
«2011 jyly biz jilik maıyn transplantatsııalaýdyń 20 operatsııasyn jasadyq, al aǵymdaǵy jyly ondaı operatsııanyń sanyn 50-ge jetkizbekpiz. Onkologııalyq naýqastardy emdeýge arnalǵan oryn sany da keńeıtilýde jáne biz 200 naýqasty emdeýdi josparlap otyrmyz», - dedi I.Pıvovarova.
Dırektordyń aıtýynsha, ortalyqta jilik maıy donorlarynyń regıstri boıynsha baǵdarlama belsendi damytylýda, bul shara «elimizge regıstrdiń halyqaralyq bazasyna kirýge jáne respýblıkamyzda óz azamattarymyzǵa jilik maıyn transplantatsııalaý operatsııalaryn tolyq júrgizýge kómektesýge múmkindik beretin bolady».
