Bıyl jazda shegirtkeden qaýip bolmaıdy - AShM
ASTANA. 20 shilde. QazAqparat - "Bıylǵy jazda respýblıkaǵa shegirtkeden qaýip týyndamaıdy", - dep málemdedi QR Aýyl sharýashylyǵy mınıstri Asyljan Mamytbekov.
«Bıyl shegirtke qaptaý qaýpi seıildi. Shamamen 1,5 mln. gektar jer ýaqytynda hımıkattarmen óńdeldi. Bul jospardyń 100 paıyzyn quraıdy», - dep jazdy mınıstr Twitter-degi óz paraqshasynda.
Sonymen qatar A.Mamytbekov jazbasynda shildeniń ortasynan bastap shegirtkelerdiń damý kezeńi tejeletinin, osyǵan oraı ósimdikke qaýip týmaıtyndyǵyn atap ótken.
Buǵan deıin ol Twitter arqyly 2011-2012 jyldary shegirtke úıirleriniń bıologııalyq belsendiligi óte joǵary bolatyndyǵyn jazǵan edi. Shegirtke egistik alqaptary úshin óte qaýipti jándik sanalady.
