Bıyl jazda «Kásipqor» holdıngi arqyly 2 myń 600 kolledj muǵalimi daıarlanady - BǴM
ASTANA. QazAqparat - Bıyl jazda «Kásipqor» holdıngi arqyly 2 myń 600 kolledj muǵalimi daıarlanady. Bul týraly búgin Májiliste tegin tehnıkalyq jáne kásibı bilim berý tetigin engizý máselelerine arnalǵan dóńgelek ústelde QR Bilim jáne ǵylym mınıstri Erlan Saǵadıev málim etti.
Mınıstrdiń sózine qaraǵanda, aldaǵy basty maqsat - 2019 jylǵa deıin Qazaqstandaǵy barlyq kásibı tehnıkalyq kolledjderge jańa bilim berý baǵdarlamalaryn engizý. Osyǵan baılanysty jaqyn aralyqta kolledjderdi kredıttik-modýldyq júıege kóshirý josparlanǵan. Bul tehnıkalyq kolledjder men jetekshi bilim mekemeleriniń sabaqtastyǵyn qamtamasy etedi.
«Bunda eki negizgi máselege nazar aýdarý kerek: birinshi - biz kolledjderdiń ishki mazmunyn jańartamyz, sonymen qatar, modýldyq júıege bir jaǵynan kóshe beremiz. Qazirgi kúni «Kásipqor» holdıngi 45 modýldyq bilim berý baǵdarlamasyn, al Dúnıejúzilik bankpen áriptestik retinde 147 joba ázirlengen. Aǵymdaǵy jyldyń qyrkúıek aıynan bastap, biz «Kásipqor» holdınginiń bilim berý baǵdarlamasyn respýblıkanyń barlyq kolledjderine engizýdi bastaıtyn bolamyz. ıAǵnı, bul barlyq memlekettik jáne jeke menshik nysanyndaǵy kolledjder úshin birdeı júretin bolady», - dedi mınıstr.
«Bıylǵy jyldyń ózinde «Kásipqor» holdıngi osy jazda kolledjder úshin 2 myń 600 muǵalimin daıarlaıtyn bolady. Olar osyǵan daıyndalýda. Bul sandar aldaǵy ýaqytta óse túsedi», - dedi ol.
