Bıyl jazasyn óteýshiler 1,2 mlrd teńge qaryzyn ótegen

ASTANA. QazAqparat – Elimizde jazasyn ótep jatqan azamattar jyl basynan beri 1,2 mlrd teńge kóleminde qaryzyn ótedi, dep habarlaıdy QazAqparat QR ІІM Qylmystyq atqarý júıesi komıtetine silteme jasap.

«Jyl basynan beri sottalǵandar 1,2 mlrd teńgege jýyq qaryzyn ótedi. Aıta ketý kerek, jazasyn ótep júrip jumys isteý múmkindigi barlyq sottalýshyǵa beriledi. Degenmen qandaı maman qajet ekenin tek jumys berýshi sheshedi», - degen habar taratty qylmystyq atqarý júıesi komıteti.

Sondaı-aq, habarlamada sottalýshylardyń jańa kásip meńgere alatyny aıtylǵan.

«Qylmystyq atqarý júıesi mekemelerindegi kásiporyndarda suranysqa ıe jańa mamandyqtardy meńgerýge bolady. Atalǵan shara jumyspen qamtylǵandardyń sanyn arttyrý maqsatynda iske asyp jatyr. Qaýipsizdigi barynsha tómen mekemelerde sottalǵandardy oqytýdy bilim basqarmalary janyndaǵy kásiptik kolledjder júzege asyrady», - delingen resmı aqparatta.

Komıtettiń málimetinshe, 2020-2021 oqý jylynan beri 2 myńnan astam sottalýshy bilim aldy.