Bıyl jaz ystyq bolady - Qazgıdromet
ASTANA. QazAqparat - Qazgıdromettiń mamandary bıylǵy jazǵa qatysty óz boljamdaryn jarııalady, dep habarlaıdy QazAqparat tilshisi.
«Jaz ystyq bolady degen boljam bar. Ádettegi normadan 1-2 gradýsqa joǵary, sosyn jańbyr az jaýýy ábden múmkin. Degenmen, elimizdiń ońtústik jáne ońtústik-shyǵys aımaqtarynda jaýyn-shashyndy bolady. Al keıbir jerlerde burshaq túsýi yqtımal», - dedi «Qazgıdromet» RMK gıdrometortalyqtyń dırektory Marına Shmıdt Astanada ótken baspasóz máslıhatynda.
Sondaı-aq, ol kúzde bolatyn aýa raıyna da toqtaldy. Onyń aıtýynsha, alǵashqy aıda salqyn bolady. Ásirese, respýblıkanyń shyǵysynda kún kúrt sýytýy ábden múmkin. Alaıda qazan aıynda aýa raıy qaıta jylynady degen boljam bar.
