Bıyl jaz ortasyna deıin 640 myń astanalyqqa vaktsına egiledi
NUR-SULTAN. QazAqaparat – Sáýir aıynda 60 myńnan astam elordalyqqa vaktsına egý josparda bar. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Jalpy elordada 647 myń adamǵa vaktsına egiledi dep josparlanǵan. Sáýir aıynda 60 myńnan astam adamǵa vaktsına egý josparda bar. Ary qaraı vaktsınanyń kelip jetýine baılanysty jospardy oryndaı beremiz. Jazdyń ortasyna qaraı jospar oryndalady dep oılaımyn», - deıdi Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov.
Ol elordalyqtarǵa qandaı vaktsına egiletini týraly aıtty.
«Ázirge «Spýtnık V» vaktsınasy egiledi dep josparlanýda. Basqa vaktsınalarǵa qatysty suraqtarǵa jaýap berý meniń quziretimde emes. Qazirgi ýaqytta QR Densaýlyq saqataý mınıstrligi basqa vaktsınalardy satyp alý boıynsha máseleni qarastyryp jatyr», - deıdi ol.
