Bıyl Jáırem-Qarajal sý qubyry qalpyna keltirilmek
ASTANA. QazAqparat - Bıyl Jáırem-Qarajal sý qubyryn qaıta qalypqa keltirý jumystary bastalady, dep habarlaıdy QazAqparat ákimniń saıtyna silteme jasap.
Qarajal, Jáırem jáne Saıaq eldi mekenderiniń turǵyndaryn sýmen qamtý máselesin Qaraǵandy oblysynyń ákimi Erlan Qoshanov bıylǵy jyly sheshilýi tıis eń mańyzdy mindetterdiń biri dep atap aıtty. Buǵan qosa, Jezqazǵandaǵy aýyz sýdyń sapasyn da jaqsartý kerek.
«Óz usynystarymyzdy úkimetke jiberdik, jánede bizdi onda qoldady. Bıylǵy jyly biz Jáırem-Qarajal sý qubyryn qalypqa keltiremiz. Sonymen qatar Esqul sý qubyrynyń qurylysy aıaqtalady», -dedi Erlan Qoshanov oblys jurtshylyǵy aldyndaǵy eseptik kezdesýi barysynda.
Búgingi tańda Qarajalda jáne Jáırem kentinde jalpy eseptegende shamamen 18 000 adam turady. Olarǵa sý Aşyly jáne Tuzkól ken oryndarynyń jer asty sýlarynan keledi. Alaıda sý qubyrlary ábden tozǵan - bul negizgi problema bolyp tabylady.
Osyǵan deıin bul eldi mekenderdiń turǵyndaryna aýyz sý keste boıynsha jetkiziletin - aptasyna eki ret, 1,5 saǵattan asyrmaı. Sorǵyny jóndegen soń Qarajalda sý taratý ýaqyty táýligine 12 saǵatqa deıin uzartyldy. Jáırem kentiniń turǵyndary úshin táýligine 13 saǵat sý jiberiledi.
