Bıyl jasóspirimder jasaǵan qylmystar sany 11 paıyzǵa ósti – ІІM

ASTANA. QazAqparat – Bıyl 7 aıdyń ishinde jasóspirimder jasaǵan qylmystardyń sany 11 paıyzǵa ósken. Bul týraly Іshki ister mınıstrliginde ótken brıfıngide Ákimshilik polıtsııa komıtetiniń erekshe tapsyrmalar jónindegi aǵa ınspektory Leıla Álipbaeva aıtty, dep habarlaıdy QazAqparat tilshisi.

«Sońǵy bes jylda jasósprimdermen jasalǵan qylmystardyń sany jartylaı tómendegen. Degenmen bıylǵy 7 aıdyń qorytyndysy boıynsha olardyń sany 11 paıyzǵa ósken. Kóbine jasóspirimder urlyq, qarashylyq, tonaý qylmystaryn jasaıdy. Mundaı áreketke barýǵa negizgi sebep – ata-analar tarapynan balalarynyń minez-qulqyna qatysty tıisti baqylaýdyń bolmaýy», - dep derekter keltirdi Leıla Álipbaeva vedomstvonyń baspasóz alańynda ótken brıfıngide.

Spıkerdiń aıtýynsha, túngi ýaqytta ata-analardyń baqylaýynsyz kóńil kóterý oryndarynda júretin jasóspirimder jıi anyqtalady.