Bıyl janýarlarǵa qatysty kólik apaty 9 paıyzǵa ósti
NUR-SULTAN. QazAqparat – QR ІІM Krımınaldyq polıtsııa departamenti bastyǵynyń orynbasary Saǵat Madıev elimizde mal urlyǵy kóbine jaıylymda jasalatynyn aıtty, dep habarlaıdy QazAqparat tilshisi.
Mal urlyǵynyń sebepteriniń biri – maldyń baqtashysyz óriste júrýi. Aǵymdaǵy jyly 70 paıyz jaǵdaıda mal óristen baqtashysyz júrgende urlanǵan», - dedi S. Madıev Іshki ister mınıstrligindegi baspasóz máslıhatynda.
Sonymen qatar, maldardy qaraýsyz jiberý jol-kólik oqıǵalaryna sebep bolady.
«Tek osy jyldyń ózinde janýarlarǵa qatysty jol–kólik oqıǵalarynyń sany 9 paıyzǵa (100-den 109-ǵa), onyń saldarynan qaza tapqan adamdardyń sany 7 paıyzǵa (29-dan 31-ǵa), jaraqattanǵan adamdardyń sany 18 paıyzǵa (133-ten 157-ge) ósti», - dedi Krımınaldyq polıtsııa departamenti bastyǵynyń orynbasary.
