Bıyl jambyldyq túlekterdiń 70 paıyzy UBT tapsyrady
TARAZ. QazAqparat - Oblys ákimi Kárim Kókirekbaevtyń tóraǵalyǵymen ótken jıynda Jambyl oblysy boıynsha mektep túlekterin qorytyndy attestattaý jáne Ulttyq biryńǵaı testileýge daıyndaý máselesi pysyqtaldy, dep habarlaıdy «QazAqparat» HAA tilshisi.
Oblystyq bilim berý basqarmasynyń basshysy Sulýshash Qurmanbekovanyń sózine qaraǵanda, bıyl oblys boıynsha 8 826 túlek mektep qabyrǵasymen qoshtasady, olardyń 237-si «Altyn belgige» jáne 139-y úzdik attestatqa úmitker. Túlekter men olardyń ata-analary arasynda aqparattyq-túsindirý jumystary júrgizilýde. Mektep ákimshiliginiń ókilderi, túlekterdiń synyp jetekshileri, psıhologtar arnaıy semınar-trenıngterde oqytylǵan.
«Bıyl 6 136 túlek UBT-ǵa qatysýǵa tilek bildirdi. Olar úsh mindetti jáne eki beıindi pánnen test tapsyrady» ,- dedi S. Qurmanbekova.
