Bıyl jambyldyq 41 kásiporyn jumysshylarynyń jalaqysyn ósirgen
Pandemııaǵa baılanysty ótip bara jatqan jyl aımaqtaǵy kóptegen kásiporyndar úshin ońaıǵa soqpaǵany anyq. Degenmen, memleket qoldaýynyń arqasynda bıznes eńsesin tiktep, óz qyzmetkerlerine aýyrlyq salmaı jumysyn jalǵastyrdy deýge bolady.
Bul týraly Jambyl oblysynyń ákimi Berdibek Saparbaevtyń orta jáne iri bıznes sýbektileriniń basshylarymen kezdesýi barysynda aıtyldy.
«Bıylǵy jyldyń áleýmettik-ekonomıkalyq kórsetkishteri aıtarlyqtaı joǵary. Bul sizderdiń eńbekterińizdiń nátıjesi. Óz kezeginde memleket kásipkerlerge jan-jaqty qoldaý kórsetti. Óıtkeni, birinshi kezektegi mindet jumyssyzdyqtyń ulǵaıýýyna jol bermeý boldy. Kerisinshe, memlekettik baǵdarlamalardyń nátıjesinde bir jyl ishinde jumys oryndary sanynyń artqany baıqaldy. Sizderdi osy baǵytta jumystaryńyzdy jalǵastyra túsýge shaqyramyn. Jalaqy men syıaqy ýaqytyly tólenýi tıis», - dedi oblys ákimi kásiporyn basshylaryna.
«QTJ – Júk tasymaly» AQ Jambyl fılıalynyń dırektory Úmitbek Rysbekov aǵymdaǵy jyldyń 11 aıynda atqarylǵan jumys qorytyndysy týraly baıandady.
Kompanııa jyl saıyn qyzmetkerleriniń jalaqysyn kóbeıtip otyrady desek, pandemııaǵa qaramastan jalaqyny ósirý úrdisi bıyl da jalǵasyn tapqan.
«Rysbaeva ı K» JShS kóp jyldan beri óńirdegi tabysty kásiporyndardyń biri bolyp keledi. Dırektory Sáýle Rysbaeva atap ótkendeı, búginde kompanııa óz qýattylyǵyn arttyrýda desek, oǵan kásipkerlikti memlekettik qoldaýdyń jyl saıynǵy sharalarynyń arqasynda qol jetkizilip otyr.
«Qazir bizdiń kásiporyn keńeıe tústi. Óz mektebimiz jáne sharýa qojalyǵymyz bar. Biz bosyǵan deıin memlekettik qazynaǵa 201 mıllıon teńge salyq aýdarymdaryn túsirdik. Onyń ishinde, ótken jyly 17 mıllıon teńge, al aǵymdaǵy jyly 10 mıllıon teńge aýdaryp úlgerdik. Eń bastysy – bir de bir qyzmetkerdiń qysqarýyna jol bermedik», - dep atap ótti S.Rysbaeva.
Sondaı-aq, basqosýda «Ámir jáne D» JShS bólshek dárihanalar jelisiniń dırektory Qarlyǵash Qaımoldaeva óz kásipornynyń qyzmeti týraly qysqasha aıtyp ótti.
Al, eńbek ınspektsııasynyń basshysy Qaırat Dosaev eńbek zańnamasy talaptarynyń saqtalýy týraly tilge tıek etti.
«Jumys berýshiler men qyzmetkerler arasyndaǵy qarym-qatynas vedomstvonyń únemi baqylaýynda. Jyldyń basynan beri oblysta eńbek janjaldary oryn alǵan joq. Eńbek qatynastary salasyndaǵy jaǵdaı turaqty. «Ystyq núkte« kartasy ázirlendi desek, oǵan 45 kásiporyn engizilip, baqylaýǵa alyndy. Degenmen, jekelegen kásiporyndarda 454,9 mıllıon teńge somasynda jalaqy boıynsha bereshek anyqtalǵan bolatyn. Búgingi tańda ol tolyq óndirildi. Osylaısha, 4 myń jumysshynyń eńbek quqyqtary qorǵaldy», - dep atap ótti Q.Dosaev.
Aıta keteıik, óńirdegi 70 iri jáne orta kásiporynnyń 41-i 19,3 myń jumysshysynyń jalaqysyn orta eseppen 26 paıyzǵa kótergen.
Qalǵan kásiporyndardyń basshylary qarjy-ekonomıkalyq jaǵdaı turaqtansa, jalaqyny kóterý máselesin qarastyratynyn jetkizdi.
