Bıyl Jambyl oblysynyń 80 jyldyq mereıtoıy toılanady
Basqarma basshysynyń aıtýynsha, aǵymdaǵy jyly Jambyl oblysynyń 80 jyldyǵymen qatar, Turar Rysqulovtyń - 125, oblystyq «Znamıa trýda» gazetiniń - 100, oblystyq «Jambyl» telearnasynyń - 30 jyldyǵy jáne «Birlik túbi - bereke» qoǵamdyq forýmy uıymdastyrylmaq.
Brıfıngte Berik Ýálıuly basqarmanyń ótken jyly atqarǵan jumystary jóninde esep berdi. 2018 jyly Óńirlik kommýnıkatsııalar alańynda 165 brıfıng ótkizip, respýblıka boıynsha úzdik tórttikten kóringenin jetkizdi. Sondaı-aq, ótken jyly oblys boıynsha ákimdikter men basqarmalardyń baspasóz hatshylaryna arnaıy 3 oqytý semınary ótkizilip, barlyq mekemelerdiń áleýmettik jelilerdegi resmı paraqshalary qaıta jańartylyp, belsendi jumys júrgizýde.
«Іshki saıasat salasynda azamattyq qoǵam ınstıtýttarymen tyǵyz qarym-qatynas ornatý - erekshe mańyzǵa ıe. Óńirde 87 etnostyń ókilderi turady, 26 oblystyq, bir qalalyq jáne 47 aýdandyq etnomádenı birlestik jumys isteıdi. 854 úkimettik emes uıym tirkelgen. Olardyń 60 paıyzy - oblys ortalyǵynda, 40,0 paıyzy - aýdandarda shoǵyrlanǵan. Qazirgi tańda ÚEU-dyń 200-den astamy belsendi jumys atqarýda. 6 saıası partııanyń fılıaly istep tur. 2018 jyly oblys boıynsha memlekettik áleýmettik tapsyrysqa 49 bıýdjettik baǵdarlama ákimshisi qarjy qarastyrǵan», - dedi Berik Ýálıuly.
Aıta keteıik, oblystyq basqarmanyń endigi negizgi jumystarynyń biri - 1 qarashada bekitilgen jańa Eltańbany aýystyrýǵa baǵyttalmaq. Eltańbanyń jańa úlgisine jergilikti atqarýshy organdar men bilim berý mekemeleri 2020 jyldyń 1 qańtaryna deıin, aýmaqtyq departamentter men basqarmalary 2020 jyldyń 1 shildesine deıin aýystyrýǵa mindettelip otyr. Bul oraıda bıyl jergilikti atqarýshy organdar tarapynan 140,7 mln teńge qarajat qaralýda.