Bıyl Jambyl oblysynyń 70-ten astam aýyly aýyz sýmen qamtylady
2020 jyly Jambyl oblysynda 70-ten astam aýyly aýyz sýmen qamtamasyz etiledi. Bul turǵyndardy taza aýyz sýmen qamtamasyz etý kórsetkishin 57,3 paıyzdan 77 paıyzǵa deıin jetkizýge múmkindik bermek. Bul týraly halyqqa esep berý kezdesýinde aımaq basshysy Berdibek Saparbaev habarlady.
Sondaı-aq, oblys ákimi 48 myń turǵyny bar 35 eldi mekendi gazdandyrý jumystary júrgiziletinin jetkizdi.
Sonymen qatar, bıyl oblys aýmaǵynda balamaly energııa kózderin óndiretin tórt stansııany iske qosý josparlanyp otyr. Ol balamaly energııa kózderiniń úlesin 17,2 paıyzdan 22 paıyzǵa deıin arttyrýǵa múmkindik beredi.
Tarıfterdi únemdeý maqsatynda jylý, gaz, sý eseptegish quraldaryn ornatý boıynsha jumystar, TKSh júıesin jańǵyrtý boıynsha Eýropa Qaıta Qurý jáne damý bankimen yntymaqtastyq sharalary jalǵasady.
