Bıyl Jambyl oblysynda myńǵa jýyq jumys orny ashylady

TARAZ. QazAqparat - 2018 jyldyń sońyna deıin ındýstrıaldy-ınnovatsııalyq damý memlekettik baǵdarlamasy aıasynda quny 16,9 mlrd teńgeni quraıtyn 8 ınvestıtsııalyq joba iske asyrylady, dep habarlaıdy QazAqparat ZhambylNews-ke silteme jasap. 

Bul kásiporyndarda 947 jańa jumys orny ashylady dep kútilýde. Bul týraly ÓKQ alańynda ótken brıfıngte oblys ákimdiginiń ekonomıka jáne bıýdjettik josparlaý basqarmasynyń basshysy Gúldana Jaýynbekova aıtty.

Gúldana Álimjanqyzynyń aqparaty boıynsha, ótken jarty jylda oblystyń áleýmettik-ekonomıkalyq damýynda oń dınamıka qalyptasty. ıAǵnı, birinshi toqsannyń qorytyndysymen jalpy óńirlik ónim kólemi 265 mlrd teńgeni qurap, 8,4 paıyzǵa ósti.

Sondaı-aq, ónerkásip salasynda oń dınamıka qalyptasýyna ındýstrıaldy-ınnovatsııalyq damý memlekettik baǵdarlamasy aıasynda iske qosylǵan kásiporyndar da óz úlesin qosýda. Aǵymdaǵy jyldyń 6 aıynda bul kásiporyndar 13 mlrd teńgeniń ónimin óndirgen.