Bıyl Jambyl oblysynda 53 áleýmettik nysan jóndeledi

ASTANA. QazAqparat - 2016 jyly Jambyl oblysynda «Jumyspen qamtýdyń 2020 jol kartasy» baǵdarlamasynyń jumyspen qamtýdy, ınfraqurylymdy jáne turmystyq-kommýnaldyq sharýashylyqty damytý arqyly qarastyratyn birinshi baǵytyn iske asyrýǵa respýblıkalyq bıýdjetten 2,4 mlrd teńge bólindi. Bul týraly QR Densaýlyq saqtaý jáne áleýmettik damý mınıstrliginiń baspasóz qyzmeti habarlaıdy.

Osy qarajat esebinen 53 ınfraqurylymdyq nysandy iske asyrý josparlanýda, onyń 53-de kúrdeli jóndeý, 1-de aǵymdaǵy jóndeý jumystary júrgiziledi.

Jóndeletin ǵımarattardyń 31 - bilim berý, 22 - densaýlyq saqtaý ınfraqurylym nysany bolyp tabylady.

Infraqurylymdyq jobalardyń iske asyrylýy 1004 jumys ornyn qurýǵa múmkindik beredi, onyń ishinde 509 adam jumyspen qamtý ortalyqtary arqyly ornalastyrylady.

Búgingi kúni 45 jobanyń iske asyrylýy bastaldy, onyń sheńberinde 801 adam jumysqa turdy, olardyń ishindegi 424 adam - «JQJK 2020» baǵdarlamasyna qatysýshylar.

2015 jyly «JQJK 2020» baǵdarlamasynyń birinshi baǵytyn iske asyrýǵa 13,7 mlrd teńge bólingenin, jalpy respýblıka boıynsha 588 ınfraqurylymdyq jobalar júzege asyrylyp, 8,6 myń adam jumysqa ornalastyrylǵanyn esterińizge salamyz.

2016 jyly «JQJK 2020» baǵdarlamasynyń birinshi baǵytyn iske asyrýǵa 80,1 mlrd teńge bólindi. Bul qarajat jobalardyń sany eskerile otyryp, jergilikti atqarýshy organdardyń tapsyrystary negizinde óńirler arasynda bólinedi.