Bıyl Jambyl oblysynda 5 adam sýǵa batyp kóz jumdy
TARAZ. QazAqparat - Jambyl qutqarýshylary turǵyndardy sýdaǵy qaýipsizdik erejelerin saqtaýǵa shaqyrady, dep habarlaıdy QazAqparat.
Keıde turǵyndar sýǵa shomylý barysynda sýdaǵy qaýipsizdik erejelerin eskermeı, saldarynan qaıǵyly jaǵdaılar bolýy yqtımal.
Mysaly, Jambyl oblysynda bıyl 4 adam sýǵa ketip qaza bolǵan. Al 5 adam qutqarylǵan.
Osyǵan baılanysty Jambyl oblysy tótenshe jaǵdaılar departamentiniń órt sóndirý jáne avarııalyq-qutqarý qyzmetiniń qutqarýshylary kún saıyn Taraz qalasy men oblys aýmaǵyndaǵy sý kózderi men ózen jaǵalaýlaryn, sondaı-aq basseınderdi arnaıy arnalap, sýǵa shomylý kezinde qaýipsizdik erejelerin saqtaý jóninde túsindirý jumysyn júrgizip, jadnama taratyp júr.
«Qurmetti Taraz qalasy men oblys turǵyndary! Jambyl oblysy TJ departamenti jalǵyz adamnyń tanys emes sý kózderine sýǵa shomylýyna múldem bolmaıtyndyǵyn, tek shomylýǵa arnalǵan basseınderde ǵana qaýipsizidk erejelerin qatań saqtap shomylý qajettigin eskertedi. Al kishkentaı balalardy qaraýsyz qaldyrmaý qajettigin kez kelgen ata-ana bilýi tıis. Sondaı-aq alkogoldi ishimdik paıdalanyp nemese tamaqqa shekten tys toıyp sýǵa shomylýdan aýlaq bolý qajet. Óz ómirimiz óz qolymyzda ekenin umytpaıyq» dep eskertedi qutqarýshylar.
