Bıyl jalpy egistik kólemi 21,3 mıllıon gektardy quraıdy
ASTANA. 25 aqpan. QazAqparat - Qazaqstandaǵy 2013 jylǵa jalpy egis kólemi 21,3 mıllıon gektardy quraıdy, onyń 15,9 mln ga dándi daqyldarǵa bólingen, dep habarlady QR Premer-Mınıstriniń resmı saıty QR Aýyl sharýashylyǵy mınıstrliginiń baspasóz qyzmetine silteme jasap.
«Oblystardyń aldyn ala málimetteri boıynsha 2013 jyly aýyl sharýashylyq daqyldaryn 21,3 mıllıon gektar alqapqa ornalastyrý josparlanǵan, bul shamamen 2012 jyldyń deńgeıimen birdeı», - delingen málimdemede.
Sonymen qatar, jazǵy egis alqaby 18,5 mıllıon gektar kólemi deńgeıinde boljanýda, astyq egisteri 15,9 mıllıon gektar alqabynda ornalasady, onyń ishinde bıdaı - 13,1 mıllıon gektar.
«Bıdaı alqabynyń kólemin 2012 jylǵa qaraǵanda 329 myń gektarǵa nemese 2 paıyzǵa qysqartý kútilýde», - dep kórsetilgen taratylǵan baspasóz habarlamasynda.
Oǵan qosa, kúrish egis alqaptary 6 myń gektarǵa nemese 7 paıyzǵa azaıyp, biraq júgeri egis alqaptary 5 myń gektarǵa, astyq jáne basqa da jemshóptik daqyldar 22 myń gektarǵa arttyrylǵan.
«Maıly daqyldardy 2013 jyly 1,8 mıllıon gektarǵa, maqta ósimdigin 148 myń gektarǵa, kókenis-baqsha daqyldary men kartopty 393 myń gektarǵa, jemshóptik daqyldy 3 mıllıon gektarǵa ornalastyrý qarastyrylǵan», - dep habarlady vedomstvo.
