Bıyl jalǵan kásipkerlik saldarynan bıýdjetke 119 mlrd. teńge salyq túspeı qaldy
ASTANA. QazAqparat - Bıyl jalǵan kásipkerlik saldarynan bıýdjetke 119 mlrd. teńge salyq túspeı qaldy. Bul týraly búgin QR QM Memlekettik kirister komıteti Profılaktıkalyq jumys jane baqylaý basqarmasynyn basshysy Talǵat Bashaev málim etti.
«Táýekelderdi basqarý júıesin qoldaný yqtımal jalǵan kásiporyndardy tirkeý satysynda anyqtaý úshin keshendi aldyn alý sharalaryn ázirleýge múmkindik berdi. Bul baǵyttaǵy jumystar boıynsha 1922 jalǵan kásiporyn anyqtaldy. Olardyń qyzmeti saldarynan bıýdjetke 119 mlrd. teńge túspeı qaldy. Tergeý barysynda qosylǵan qun salyǵy boıynsha 944 áleýetti jalǵan kásipkerlik esepten alyndy. Jalǵan kásiporyndardyń memlekettik tirkeýi men olardyń jasaǵan mámilelerin jaramsyz dep taný týraly sotqa 343 talap engizildi. Shyǵarylǵan úkim negizinde úsh mlrd. somasyndaǵy salyq óndirilip alyndy», - dedi ol. Onyń alǵa tartqan derekterine sáıkes, ótken jyldyń sáıkes kezeńinde jalǵan kásipkerlik faktisi boıynsha memleketke 3,7 mıllıard teńge somasynda shyǵyn keltirilip, onyń tek 190 mıllıon teńgesi ǵana óndirilip alynǵan.
