Bıyl jalaqy qaı salalarda eń kóp ósti

ASTANA. QazAqparat – Ulttyq statıstıka bıýrosy bir jylda Qazaqstanda jalaqy qalaı ózgergenin málim etti, dep habarlaıdy QazAqparat.

«2023 jylǵy IІ toqsanda baǵalaý boıynsha jalaqynyń medıanalyq máni (jalaqy qatarynyń ortalyq deńgeıi) 240 779 teńgeni, al ataýly jalaqynyń ortasha máni 365 502 teńgeni qurady. 2022 jyldyń tıisti toqsanyna qaraǵanda ósim 17,1%, naqty mánde 1,2% kórsetti», - delingen málimette.

Ekonomıka salalarynda bıylǵy ІІ toqsanda bir jyl burynǵy kórsetkishpen salystyrǵanda ortasha jalaqy eń kóp aqparat jáne baılanys salasynda ósken – 36%. Kólik jáne qoıma salasynda – 24,6%, aýyl, orman jáne balyq sharýashylyǵynda – 23,7%, kóterme jáne bólshek saýda; avtomobılderdi jáne mototsıklderdi jóndeý salasynda 21,8% kóterildi.

Bilim berýde ortasha aılyq jalaqy 10,2% artsa, densaýlyq saqtaý jáne halyqqa áleýmettik qyzmet kórsetýde 15,6% qurady.

Alaıda naqty mánde jalaqy kólemi byltyrǵy ekinshi toqsanmen salystyrǵanda qurylysta – 3,5%, turý jáne tamaqtaný qyzmetterin kórsetýde – 2,6%, bilim berýde – 4,8%, sondaı-aq densaýlyq saqtaý jáne áleýmettik qyzmet kórsetýde 0,1% tómendedi.

Óńirlik bóliniste ortasha aılyq ataýly jalaqynyń eń joǵarǵy ósimi Ulytaý oblysynda tirkeldi – 23,8%. Eń tómengi ósimi Túrkistan oblysynda – 12,2%.