Bıyl zeınetaqy aktıvteriniń valıýtalyq úlesi 28 % asty
«BJZQ zeınetaqy aktıvteri 14,6 trln teńgeni qurady. 2022 jyly bul kórsetkish 1,6 trln teńgege (nemese 12,1%) ósti. 2016 jyldan 2019 jyl aralyǵynda BJZQ zeınetaqy aktıvteriniń valıýtalyq úlesi kezeń-kezeńimen 17 paıyzdan 33 paıyzǵa deıin ósti. Ulttyq bank zeınetaqy aktıvteriniń valıýtalyq úlesin 30 paıyz deńgeıinde ustaýdy josparlap otyr», - dedi Á. Moldabekova Senatta depýtattarmen kezdesý kezinde.
Onyń aıtýynsha, 2022 jyldyń qorytyndysy boıynsha zeınetaqy aktıvteriniń ósýi aıasynda, BJZQ portfelindegi valıýtalyq aktıvter úlesi tómendep, 28 paıyzdy qurady.
«Bıyl valıýtalyq aktıvterdiń qazirgi úlesi 28,4 % jetti. 2023 jyly bul úlesti 30 % jetkizip, aldaǵy ýaqytta da osy kórsetkishti saqtap qalýdy josparlap otyrmyz», - dedi UB ókili.
Budan buryn habarlanǵandaı, Á. Moldabekova salymshylar óz zeınetaqy jınaqtarynyń bir bóligin merziminen buryn alý aıasynda 3,5 trln teńgeni ıgergenin aıtty.
