Bıyl Walt Disney-diń tapqan paıdasy rekordtyq deńgeıge jetti
ASTANA. QazAqparat - Tórtinshi qarjylyq toqsanda amerıkalyq Walt Disney kompanııasynyń kirisi taıaýda shyqqan blokbasterlerdiń esebinen naryqta kútilgen tabysynan da asyp ketti, dep habarlady Bı-bı-sı.
Esep beri maýsymynda kompanııanyń kirisi 12,39 mlrd. dollarǵa baǵalanyp otyr. Ol onyń 7 paıyzǵa óskenin kórsetedi. «Galaktıka saqshylary» jáne «Malefısenta» fılmderi Walt Disney-diń paıdasyn shamamen 18 paıyzǵa ulǵaıtty. Endi Disney kompanııanyń qarjylyq jaǵdaıynyń jaqsarýyna baılanysty «Oıynshyqtar tarıhy-4» mýltfılmi 2017 jyly-aq jaryqqa shyǵýy múmkin ekenin aıtyp otyr. «Osy qarjylyq jyldyń qorytyndysy boıynsha bul kompanııanyń búkil tarıhyndaǵy eń joǵarǵy kiris jyly boldy», - dedi kompanııanyń atqarýshy dırektory Robert Aıger.
