Bıyl úıirli shegirtke 1,5 mln. gektar alqapqa taralýy múmkin
Onyń atap ótýinshe, 2017 jyly úıirli shegirtke tektes zııankesterge qarsy qorǵanys is-sharalaryn ýaqytyly jáne sapaly júrgizý úshin is-sharalar daıyndalǵan. Bıyl úıirli shegirtke tektes zııankesterdiń taralýy 1 570,7 myń gektar alańda boljanýda. Onyń ishinde ıtalıalyq prýs 951,6 myń gektar, azııalyq shegirtke 298,4 myń gektar, marokkolyq shegirtke 320,7 myń gektar alqapqa taralý qaýipi bar.
«Shegirtke tektes zııankesterge qarsy is-sharalardy júrgizý úshin respýblıkalyq bıýdjetten 1 538,5 mln.teńge qarajat bólindi. Bul qajetti pestıtsıdterdi, olardy saqtaý, tasymaldaý jáne qoldaný jónindegi qyzmet kórsetýlerdi satyp alýǵa múmkindik beredi. Búgingi kúni atalǵan qarajattardyń esebi arqyly konkýrstyq rásimder aıaqtalýda. Pestıtsıdterdi jetkizýshiler, olardy saqtaý, tasymaldaý jáne qoldaný jónindegi qyzmet kórsetýshiler anyqtaldy», - dedi ol.
Komıtet basshysynyń aıtýynsha, Jambyl jáne Ońtústik Qazaqstan oblystaryna pestıtsıdter jetkizilgen ári hımııalyq óńdeý jónindegi qyzmetti kórsetýshiler anyqtalǵan.
Aıta keterligi, bıyl úıirli shegirtkelerdi monıtorıngtik tekserýler 38 mln. gektar alqapta josparlanǵan. Bul jumystardy júrgizý úshin memlekettik mekemege 448 avtokólikti jalǵa alýǵa jáne 437 tekserýshilerdi jumyldyrýǵa qarajattar bólindi. Shtattaǵy jumyskerlerdi qosa alǵanda tekserý jumystaryna barlyǵy 1184 adam jáne 617 avtokólik qatysatyn bolady.