Bıyl úsh aýysymdaǵy jáne apatty oqý oryndaryn joıý maqsatynda 30-dan astam mektep salynady - BǴM
ASTANA. QazAqparat - 2020 jylǵa qaraı stýdentter keń jolaqty ınternetpen 100 paıyzǵa qamtylady. Bul týraly búgin Astanada Bilim jáne ǵylym mınıstrliginiń keńeıtilgen alqa májilisinde atalǵan vedomstvonyń basshysy Erlan Saǵadıev málim etti.
«Elbasynyń tapsyrmasyn oryndaý maqsatynda úsh aýysymda oqytatyn jáne apatty jaǵdaıdaǵy mektepterdi joıý úshin bıyl mınıstrlik árqaısysy 300 orynnan asatyn 34 jańa mektep salyp, Ulttyq qor qarjysy esebinen taǵy 42 mekteptiń qurylysyn bastaýdy josparlap otyr», - dedi mınıstr.
Budan bólek, E. Saǵadıev mektepter men joǵary oqý oryndaryn joǵary jyldam ınternetke qosý máselesine toqtaldy. Osy turǵyda bıyl joǵary jyldamdyqty jelige taǵy 2 myń mektep qosylýda, sondaı-aq sandyq Qazaqstan aıasynda aldaǵy úsh jylda 1,5 myń mektep qamtamasyz etiledi.
«2020 jylǵa qaraı oqýshylardyń 90 paıyzǵa deıin úlesin jáne stýdentterdi 100 paıyzǵa keń jolaqty ınternetke qoljetimdiligin qamtamasyz etý maqsaty belgilendi», - dedi mınıstr.
