Bıyl urlanǵan 4 myń bas maldyń jartysy tabyldy

ASTANA. QazAqparat – Jyl basynan beri mal urlyǵyna qatysy bar úsh júzden astam adam ustaldy. Bul týraly Іshki ister mınıstrliginiń ókili Aqtoty Boranova aıtty, dep habarlaıdy QazAqparat tilshisi.

«Jyl basynan beri mal urlyǵyna qatysy bar úsh júzden astam adam, onyń ishinde 59 qylmystyq top ustaldy. Urlanǵan 4000 bas maldyń eki myńǵa jýyǵy tabylyp, qaıtaryldy», - A. Boranova mınıstrliktiń baspasóz alańynda ótken brıfıngide.

Onyń aıtýynsha, Almaty oblysyndaǵy jaıylymdardan mal urlaǵan 4 adamnan quralǵan toptyń qylmystyq áreketiniń joly kesildi. Byltyr qyrkúıekten beri olar 30 bastan astam jylqy urlaǵan.

«Keıingi 5 jylda mal urlyǵy azaıdy. Eger 2018 jyly 5 myńnan astam qylmys tirkelse, 2022 jyly 1 myńnan aspady», - dedi vedomstvo ókili.

Budan buryn habarlanǵandaı, bir aptada Qazaqstanda 3 myńǵa jýyq qylmys tirkeldi.