Bıyl Ulttyq qor aktıvteri 3,4 trln teńgege deıin ulǵaıady - QR EBJM
ASTANA. 31 qazan. QazAqparat - QR Ulttyq qorynyń aktıvteri 2013 jyldyń sońyna deıin elimizdiń munaı sektory kiristeriniń ulǵaıýy esebinen 3,4 trln teńgege deıin artady. Bul týraly búgin Úkimet otyrysynda QR Ekonomıka jáne bıýdjettik josparlaý mınıstri Erbolat Dosaev málim etti.
«Munaı baǵasy boljamynyń ulǵaıýyna baılanysty Ulttyq qorǵa munaı sektorynan túsetin túsimder 407,3 mlrd teńgege ulǵaıady jáne barlyǵy 3,4 trln teńgeni quraıtyn bolady», - dedi E. Dosaev.
Onyń aıtýynsha, Ulttyq qordan kepildendirilgen transferttiń kólemi bekitilgen 1 trln 380 mlrd teńge deńgeıinde saqtalady. Al memlekettiń qarjylyq aktıvterin satýdan túsetin túsimder 5,6 mlrd teńgege azaıtyldy.
