Bıyl Ulttyq biryńǵaı testileýdiń eń tómengi shegi 50 balǵa deıin kóterildi -vıtse-mınıstr

Bul týraly búgin ótken baspasóz máslıhatynda QR Bilim jáne ǵylym vıtse-mınıstri Mahmetǵalı Sarybekov málim etti.

M.Sarybekovtyń aıtýynsha, aǵymdaǵy jyly UBT-ny tapsyrý erejelerine aıtarlyqtaı ózgerister engizilmeıdi jáne ol burynǵy formatta ótedi. Degenmen, bıylǵy jylǵy mektep túlekteri men keshendi testige qatysýshylar, joǵary oqý oryndaryna túsý úshin jınaýy tıis upaı sandarynyń tómengi shegi ótken jylǵy 45-ten 50-ge kóterildi. Al medıtsınalyq mamandyqtar úshin ol - 55 ball.

Sonymen birge, oqýshynyń UBT-da jınaǵan upaı sandaryn onyń attestatyna engizý kestesinde ózgerister jasaldy. Máselen, eger buryn «qanaǵattanarlyqsyz», ıaǵnı «eki» degen baǵa, oqýshynyń jınaǵan upaıy 0-den 3-ke deıin bolǵan jaǵdaıda qoıylyp kelse, bıyl ol 0-4-ke deıin artty. «ıAǵnı 4 jáne odan joǵary jınalǵan upaılar «nátıjeli» dep esepteledi», - dep atap ótti ol.

Aıta keteıik, UBT maýsymnyń 1-10 aralyǵynda, al keshendi testileý shildeniń 19-26 kúnderi ótedi.