Bıyl Ulttyq biryńǵaı testileýdi respýblıka boıynsha 110 000 túlek tapsyrady

Testileý maýsymnyń 4-10 aralyǵynda, 49 qala men 105 aýdan ortalyqtarynda ótetin bolady. Ár pán boıynsha testilik tapsyrmalardyń sany - 25, barlyǵy bes pán boıynsha - 125, testini tapsyrýǵa oqýshyǵa 210 mınýt nemese 3,5 saǵat ýaqyt beriledi.

Bıyl UBT-nyń erejelerine azdaǵan ózgerister engizildi. Máselen, buǵan deıin respýblıkanyń JOO-laryna memlekettik grant boıynsha nemese aqyly negizde oqýǵa túsý úshin, UBT-da jınalǵan baldardyń eń tómengi shegi 45 bolsa, bıyl ol 50-ge deıin (medıtsınalyq mamandyqtar úshin - 55 balǵa deıin) kóterildi.

Sonymen birge, oqýshynyń UBT-da jınaǵan upaı sandaryn onyń attestatyna engizý kestesinde de ózgerister bar. Máselen, eger buryn «qanaǵattanarlyqsyz», ıaǵnı «eki» degen baǵa, oqýshynyń jınaǵan upaıy 0-den 3-ke deıin bolǵan jaǵdaıda qoıylyp kelse, bıyl ol 0-4-ke deıin artty. ıAǵnı «oń» baǵa alý úshin oqýshyǵa 4 jáne odan joǵary upaı jınaýy qajet.

Aıta keteıik, «Memlekettik qupııalar týraly» QR Zańyna sáıkes durys jaýaptar kody memlekettik qupııalar qataryna jatqyzylǵan.

Bir lektegi testilenýshiler sany 800 adamǵa deıin azaıtyldy. Tehnıka isten shyǵyp jatqan jaǵdaıda olar dereý almastyrylatyn bolady. Árbir oblys ortalyqtarynda rezervter qarastyryǵan.

Testilik tapsyrmalardy baǵalaý kezinde biryńǵaı talaptardyń saqtalaýyn, daýly máselelerdi sheshý men UBT-ǵa qatysýshylardyń quqyqtaryn qorǵaý úshin, testileý ótkiziletin ýaqyt aralyǵynda appelıatsııalardy qaraý jónindegi respýblıkalyq komıssııalar qurylady. Mundaı komıssııalar UBT ótkiziletin árbir pýnktte jumys isteıtin bolady.

Ulttyq oqý oryndaryn bitirýshileriler (uıǵyr, ózbek, tájik) UBT-ny qalaýlary boıynsha ózderiniń memlekettik nemese orys tilinde tapsyra alady.