Bıyl Úlken Almaty aınalma avtokólik jolynyń qurylysy bastalady
ASTANA. QazAqparat - Úlken Almaty aınalma avtokólik jolynyń qurylysyn bıyl bastaý josparlanyp otyr. Bul týraly búgin QR Parlamenti Májilisiniń ekonomıkalyq reforma komıtetiniń kóshpeli otyrysynda QR Investıtsııalar jáne damý birinshi vıtse-mınıstri Jeńis Qasymbek málim etti.
«Bul alǵashqy mańyzdy kontsessııalyq joba jáne ony bıyl júzege asyrýdy bastaımyz. Úkimet negizinen úzdik konkýrstyq ótinimdi anyqtady. Qazirgi kezde konsortsıýmmen bul joba qunyn tómendetýge qaraı kelissózder júrip jatyr. Bir jarym aıdyń ishinde osy kelissózdiń qorytyndysyn jarııa etemiz. Osy rette kompanııa bıylǵy jazdyń sońyna qaraı uıymdastyrý sharalaryn bastaıdy»,-dedi J. Qasymbek.
Onyń sózine qaraǵanda, jol 66 shaqyrymǵa sozylady, sondaı-aq ol alty jáne tórt jolaqty qozǵalyspen birinshi tehnıkalyq sanatqa jatqyzylady. Atalǵan jol shamamen táýligine 38,5 myń kólikti ótkizýge qaýqarly bolady.
