Bıyl Ýkraına qazaqtarynyń quryltaıy ótedi
«Áńgimelesý barysynda qazaqstandyq dıplomat Qazaqstan Respýblıkasy Táýelsizdiginiń 30 jyldyǵyn merekeleýge daıyndyq týraly, sondaı-aq Elshilik jumysynyń basym baǵyttary týraly, onyń ishinde sheteldegi qandastardy qoldaý máseleleri boıynsha habarlady», delingen elshiliktiń Telegram paraqshasynda.
Osy turǵyda Ýkraınadaǵy qazaq dıasporasyn birlesken is-sharalar arqyly odan ári konsolıdatsııalaý máseleleri talqylandy.
«Jınalysqa qatysýshylardyń jalpy pikiri boıynsha, bıylǵy jyldyń basty oqıǵalarynyń biri – Ýkraına qazaqtarynyń quryltaıy bolady, onyń barysynda birqatar mańyzdy sheshimder qabyldaý josparlanyp otyr, sonyń ishinde Ýkraınanyń qazaqtar qaýymdastyǵyn qurý qaralady», delingen habarlamada.
Kezdesý sońynda Elshi D.Káletaev «ISKA Ukraine» kıkboksıng federatsııasynyń prezıdenti Nıkolaı Akıjanovty joǵary ataǵymen - Ýkraınanyń kıkboksıngke eńbegi sińgen jattyqtyrýshysynyń berilýimen quttyqtady.
