Bıyl úkimettik emes uıymdar 226 áleýmettik mańyzy zor jobalardy júzege asyrdy - IV Azamattyq forým

A.  Qarashanyń 24-i. QazAqparat /Aıdar Ospanálıev/ - Bıyl Mádenıet jáne aqparat mınıstrliginiń tapsyrysymen 206 úkimettik emes uıym 226 áleýmettik mańyzy zor jobalardy júzege asyrdy. Sondaı-aq Memleket basshysynyń tapsyrmasymen alǵash ret respýblıkalyq etnomádenı birlestikter men shyǵarmashylyq odaqtardyń qyzmetine qoldaý kórsetildi.

  Bul týraly búgin Astanada ótip jatqan IV Azamattyq forýmda Memlekettik hatshy-Syrtqy ister mınıstri Qanat Saýdabaev málim etti, dep habarlaıdy QazAqparat.

 Onyń aıtýynsha, aldaǵy úsh jylda úkimettik emes uıymdardyń jobalaryn qarjylandyrý kólemi respýblıkalyq deńgeıde 1,5 mlrd. teńgege jýyqtaıdy. Al jergilikti aımaqtarda bul kórsetkish mıllıardty quraıdy. «Bul ár jyl saıyn bólinip turatyn qarjy», dedi Memlekettik hatshy.  Sondaı-aq ol elimizde úkimettik emes sektordyń ınfraqurylymyn damytý jumystarynyń jalǵasyp jatqandyǵyn atap kórsetti.